لوڈشیڈنگ سے تنگ شہریوں نے ماڑیپور روڈ بند کردیا
کراچی (اسٹاف رپورٹر) آئی سی آئی پل پر بجلی و پانی کی بندش کے خلاف احتجاج کے باعث بد ترین ٹریفک جام اور ماڑیپور روڈ بند ہوگیا۔تفصیلات کے مطابق آئی سی آئی پل پر پیر کی سہ پہر علاقہ مکینوں کی بڑی تعداد نے پانی اور بجلی کی بندش کے خلاف احتجاج کیا ،مظاہرین نے آئی سی آئی پل کے قریب سڑک ٹریفک کے لئے بند کردی،احتجاج کے باعث ماڑی پور روڈ اور اطراف میں ٹریفک جام ہو گیا اور گاڑیوں کی قطاریں لگ گئیں جس کی وجہ سے شہریوں کو شدید پریشانی کا سامنا کرنا پڑا۔احتجاج کی اطلاع پر پولیس اور رینجرز موقع پر پہنچی تو مظاہرین نے مزاحمت کی کوشش کی تاہم پولیس اور رینجرز نے بعد ازاں مذاکرات کے بعد مظاہرین کو منتشر کردیا۔
