سابق شیخ الجامعہ کراچی ڈاکٹر عبدالوہاب مرحوم کے صاحبزادے محمد فاروق کا اعزاز

کراچی (پ ر) سابق شیخ الجامعہ کراچی ڈاکٹر عبدالوہاب کے صاحبزادے ڈاکٹر محمد فاروق کو دنیا کے 40 ذہین کیمٹس میں شامل کیا گیا ہے، جو پاکستان کے لئے اعزاز ہے۔ مستند برطانوی میگزین نے کیمسٹ کے شعبے میں اعلیٰ خدمات پر دنیا بھر سے 40کیمسٹس کو نامزد کیا ہے، جن میں امریکہ، برطانیہ ، کینیڈا ، جرمنی ، جاپان، فرانس، اٹلی ، برازیل ، تائیوان، ملائیشیا اور پاکستان شامل ہے۔ ڈاکٹر محمد فا روق وہاب ریسرچ انجینئرنگ سائنٹسٹ ڈیپارٹمنٹ آف کیمسٹری اینڈ بائیولوجی یونیورسٹی آف ٹیکساس سے منسلک ہیں۔ انہوں نے کراچی یونیورسٹی سے کیمسٹری میں ماسٹرز کیا اور5گولڈ میڈلز حاصل کئے۔ بعدازاں یونیورسٹی آف البرٹا کینیڈا سے پی ایچ ڈی کی۔