شعیب ملک کومبارکباد دینے والوں کاتانتا بند ھ گیا

لاہور(امت نیوز)قومی کرکٹر ٹیم کے آل راؤنڈر شعیب ملک کو بیٹے کی پیدائش پر مبارکباد دینے والوں کاتانتا بند ھ گیا ،شعیب ملک کے آبائی گھر میں بھی جشن کا سماں ہے اور مبارکباد دینے آنے والوں کی آمد جاری ہے ۔ ڈی جی آئی ایس پی آر آصف غفور نے بھی آل راؤنڈر شعیب ملک اور ان کی اہلیہ ثانیہ مرزا کے لیے نیک خواہشات کا اظہار کیا ہے۔سابق کپتان شاہد آفریدی نے مبارکباد پیش کرتے ہوئے کہا ہے کہ اللہ تعالی آپ کے خاندان کو ہمیشہ خوش رکھے۔شعیب ملک کو مبارکباد دینے والوں میں حسن علی، محمد عامر، جنید خان، عثمان شنواری، سہیل تنویر، بسمہ معروف، کائنات امتیاز سمیت خواتین کرکٹرز بھی شامل ہیں۔
٭٭٭٭٭