کیویزکیخلاف عمدہ کارکردگی برقرار رکھیں گے- بابر اعظم

ابوظہبی (امت نیوز) پاکستان کی ٹی ٹونٹی ٹیم کے مایہ ناز اوپننگ بلے باز بابر اعظم نے کہا ہے کہ وہ مکمل طور پر فٹ اور بھرپور فارم میں ہیں اور انہوں نے نیوزی لینڈ کے خلاف میچ کیلئے بھرپور تیاری کر رکھی ہے۔ اپنے ایک بیان میں انہوں نے کہا کہ آسٹریلیا کے خلاف سیریز میں کامیابی ٹیم کی اجتماعی کوششوں کا نتیجہ ہے جس پر پوری قوم کو فخر ہے۔ انہوں نے کہا کہ نوجوان کھلاڑی جس طرح پرفارم کر رہے ہیں وہ پلس پوائنٹ ہے۔ انہوں نے کہا کہ ان کی ٹیم کیویز کے خلاف بھی عمدہ کارکردگی کے تسلسل کو برقرار رکھتے ہوئے مزید فتوحات حاصل کریگی۔ پاکستان نے آسٹریلیا کو تین ٹی ٹونٹی میچوں کی سیریز میں کلین سویپ کیا تھا۔ بابر اعظم نے کہا کہ آسٹریلیا کے خلاف کھلاڑیوں نے کھیل کے تینوں شعبوں پر اچھا پرفارم کیا۔ انہوں نے امید ظاہر کی ہے۔