بھارت اور ویسٹ انڈیز میں آخری میچ آج ہوگا

کیرالہ(امت نیوز) بھارت اور ویسٹ انڈیز کی ٹیموں کے درمیان پانچواں اور آخری ایک روزہ بین الاقوامی کرکٹ میچ (آج) جمعرات کو کیرالہ کے دارالحکومت تھیروواناتھاپورام میں کھیلا جائے گا۔ بھارتی ٹیم کو مہمان ٹیم کے خلاف پانچ میچوں کی سیریز میں 2-1 کی برتری حاصل ہے۔ ویسٹ انڈیز کی ٹیم کے لئے میچ جیتنا انتہائی اہم ہوگا اگر مہمان ٹیم میچ میں کامیابی حاصل کرتی ہے تو دونوں ٹیموں کے درمیان سیریز 2-2 سے برابر ہوجائیگی۔ بھارت نے پہلے ون ڈے کرکٹ میچ میں ویسٹ انڈیز کی ٹیم کو 8 وکٹوں سے شکست دی تھی جبکہ دونوں ٹیموں کے درمیان کھیلا گیا دوسرا میچ ٹائی ہو گیا تھا۔ تیسرے میچ میں ویسٹ انڈیز نے بھارت کو 43 رنز سے شکست دی تھی، چوتھے میچ میں بھارتی ٹیم نے ویسٹ انڈیز کو بڑے مارجن 224 رنز سے شکست دے کر سیریز میں ایک مرتبہ پھر 2-1 کی برتری حاصل کرلی ہے۔ دونوں ٹیموں کے کپتانوں نے میچ میں کامیابی کے لئے بیانات دیئے ہیں۔ توقع کی جا رہی ہے۔