آل کراچی انٹر اسکول خلیل نینی تال والا فٹ بال گولڈ کپ کا افتتاح

کراچی(بزنس رپورٹر) کے این اکیڈمی ملیر کیمپس کے زیر اہتمام آل کراچی خلیل احمدنینی تال والا فٹ بال گولڈ کپ کا انعقاد کیا گیا۔جس میں شہر کے معروف اسکولز حصہ لے رہے ہیں ، افتتاحی تقریب میں تمام اسکولز کے کوچز اور کھلاڑیوں نے شرکت کی۔ مہمان خصوصی خلیل نینی تال والا ایجو کیشن ویلی کے منیجنگ ڈائریکٹر جنید خلیل نینی تال والا نے ٹرافی کی رونمائی کی۔ اس موقع پر منزہ نوشین کا کہنا تھا کہ طلبہ وطالبات کیلئے غیر نصابی سرگرمیاں نہایت ضروری ہیں، جس سے ان میں مقابلے کا رجحان پیدا ہوتا ہے۔