قومی سوئمنگ چیمپئن شپ کی تیاری مکمل

اسلام آباد (امت نیوز) پاکستان سوئمنگ فیڈریشن کے زیراہتمام قومی سوئمنگ چیمپئن شپ (آج) جمعہ سے لاہور میں شروع ہوگی۔ پاکستان سوئمنگ فیڈریشن کے میجر (ر) ماجد وسیم نے ’’اے پی پی‘‘ کو بتایا کہ چیمپئن شپ کی تیاری زور و شور پر ہیں۔ انہوں نے کہا کہ چیمپئن شپ میں ملک بھر سے11 ٹیموں کے مرد اور خواتین کھلاڑی حصہ لیں گے جن میں پاکستان آرمی، پاکستان نیوی، پاکستان ایئر فورس، پاکستان واپڈا، ہائر ایجوکیشن کمیشن، پنجاب، سندھ، بلوچستان، خیبرپختونخوا، اسلام آباد اور گلگت بلتستان شامل ہیں۔ انہوں نے کہا کہ چیمپئن شپ میں مختلف کیٹیگریز کے مقابلے منعقد ہونگے جن میں فری سٹائل، انفرادی میڈلے، بریسٹ سٹروک، بٹرفلائی، فری سٹائل ریلے، واٹر پولو، بیک سٹروک اور میڈلے ریلے شامل ہیں