قومی ویٹ لفٹنگ ٹیم کے ٹرائلز اختتام پذیر ہوگئے

اسلام آباد (امت نیوز) پاکستان ویٹ لفٹنگ فیڈریشن کے زیراہتمام سائوتھ ایشین گیمز میں شرکت کیلئے قومی ویٹ لفٹنگ ٹیم کے چناؤ کے سلسلہ میں دو روزٹرائلز گذشتہ روز پاکستان سپورٹس کمپلیکس، اسلام آباد میں اختتام پذیر ہوگئے۔ دو روز ہ ٹرائلزمیں ملک بھر سے 50 سے زائد کھلاڑیوں نے حصہ لیا۔ پاکستان ویٹ لفٹنگ فیڈریشن کی سلیکشن کمیٹی پانچ ارکان پر مشتمل تھی جس میں چیئرمین حافظ محمد عمران بٹ جبکہ دیگر ممبران میں ملک محمد راشد، علی اسلم چوہدری، محمد الیاس بٹ اور سیکرٹری امجد امین بٹ شامل تھے۔