سری لنکا بورڈ الیون اور انگلینڈ کے درمیان دوسرا دو روزہ ٹور میچ بھی ڈرا

کولمبو(امت نیوز) سری لنکا بورڈ الیون اور انگلینڈ کے درمیان دوسرا دو روزہ ٹور میچ بھی ڈرا ہو گیا۔ تفصیلات کے مطابق سری لنکا بورڈ الیون اور انگلینڈ کے درمیان دو روزہ ٹور میچ کا پہلا روز بارش کی نذر ہو گیا تھا، میچ کے دوسرے اور آخری روز انگلش ٹیم نے 210 رنز 6 کھلاڑی آؤٹ پر اننگز ڈیکلیئر کر دی تھی، بین سٹوکس 53 رنز بنا کر نمایاں رہے، کیٹن جیننگز 45 جوز بٹلر 25 اور جوئے برنز 19 رنز بنا سکے، ثام کیورن 48 اور فوکس 19 رنز بنا کر ناٹ آؤٹ رہے، لاہیرو کمارا نے 3 کھلاڑیوں کو آؤٹ کیا، جواب میں سری لنکا بورڈ الیون نے دن ختم ہونے تک 7 وکٹوں پر 200 رنز بنائے تھے، اسطرح میچ ہار جیت کے فیصلے کے بغیر ختم ہو گیا۔