ہونہار طلبہ و طالبات کے اعزاز میں جمعیت کا ایکسیلنس ایوارڈ

کراچی(اسٹاف رپورٹر)جامعہ کراچی میں اسلامی جمعیت طلبہ کی جانب سے ایکسیلنس ایوارڈ کی تقریب منعقد کی گئی۔جامعہ کے امتحانات میں نمایاں کارکردگی کا مظاہرہ کرنے والے طلبہ و طالبات میں شیلڈز تقسیم کی گئیں۔رکن صوبائی اسمبلی سید عبدالرشید نے جمعیت کو مبارکباد دیتے ہوئے امید ظاہر کی کہ جمعیت آئندہ بھی وہ ایسی علمی سرگرمیوں کا انعقاد کرتی رہے گی۔ نسیم صدیقی نے بھی خطاب کیا۔سید عبدالرشید نے وفد کے ہمراہ شیخ الجامعہ ڈاکٹر اجمل خان سے بھی ملاقات کی۔