کار کی ٹکر-موٹرسائیکل پل سے گرنے کے نتیجے میں 2افراد جاں بحق

کراچی (اسٹاف رپورٹر) سی ویو پر کار کی ٹکر سے ایک شخص ہلاک اور ایک زخمی ہوگیا، نیٹی جیٹی پل سے تیز رفتار موٹر سائیکل سوار گر کر جاں بحق ہوگیا، جبکہ ایئر پورٹ کے قریب تیز رفتار کار نالے میں گرنے سے خواتین سمیت 4 افراد زخمی ہوگئے۔ تفصیلات کے مطابق بوٹ بیسن کے علاقے سی ویو کے قریب کار کی ٹکر سے موٹر سائیکل پر سوار 2افراد شدید زخمی ہوگئے، اطلاع ملتے ہی پولیس نے ایمبولینس کے ذریعے قریبی اسپتال پہنچایا، جہاں دوران علاج 32سالہ مطور احمد ولد اللہ ڈنو نے دم توڑ دیا، جبکہ زخمی کی شناخت 30سالہ عبدالحمید ولد لعل محمود زیر علاج ہے۔ نیٹی جیٹی پل پر تیز رفتار موٹر سائیکل بے قابو ہوکر پل سے نیچے گر گئی، جس کے نتیجے میں 32سالہ اطہر ولد زاہد جاں بحق ہوگیا۔ ایئرپورٹ کے قریب تیز رفتارکار ڈرائیور کے قابو سے باہر ہو کر سڑک کنارے برساتی نالے میں گر گئی۔اطلاع ملتے ہی امدادی ٹیم نے 4 زخمیوں کو کار سے نکال کر جناح اسپتال منتقل کیا، جہاں 15سالہ حرا دختر سلطان ،14سالہ ندا دختر عرفان،25سالہ فرحان ولد عبدالرشید اور18سالہ نامعلوم کی حالت خطرے سے باہر ہے۔