ایئرمارشل عاصم ظہیرپاک فضائیہ کے نائب سربراہ مقرر

اسلام آباد(صباح نیوز) وفاقی حکومت نے ایئرمارشل عاصم ظہیر کو پاکستان ایئر فورس کا نائب سربراہ مقرر کردیا۔عاصم ظہیرنے نومبر1984میں جی ڈی پی برانچ میں کمیشن حاصل کیا۔ایئر مارشل عاصم نے کیریئرمیں فائٹراسکواڈرن، آپریشنل ایئربیس اور پی اے ایف اکیڈمی رسالپور کی کمانڈ کی۔وہ چیف پراجیکٹ ڈائریکٹر (فالکن) کے طورپربھی خدمات سرانجام دے چکے ہیں اور فرانس میں ڈیفنس اتاشی بھی رہے۔ایئرمارشل ڈپٹی چیف آف ایئراسٹاف ایڈمنسٹریشن کی خدمات سرانجام دے رہے تھے۔فضائیہ میں شاندار خدمات کے اعتراف میں ایئر مارشل عاصم ظہیر کوشاندار خدمات پر ہلال امتیاز ملٹری سے نوازا گیا۔