گھوٹکی میں آتشزدگی سے 5 گھرجل گئے -بچی جاں بحق

گھوٹکی( نمائندہ امت)گھوٹکی کے قریب عادلپور میں آتشزدگی سے 5 گھر جل گئے ،جب کہ 8 سالہ بچی جاں بحق ہوگئی ۔تفصیلات کے مطابق گھوٹکی کے علاقہ عادلپور کے رفیق آباد میں بنگل بھیری علی نواز محمد علی بھیری کے گھر سمیت 5 گھروں کو اچانک آگ لگ گئی، جس کے باعث 8 سالہ بچی ماجدہ جھلس کر جاں بحق ہوگئی ،جبکہ5گھر جل کر مکمل طور پر خاکستر ہوگئے ۔آگ لگنے سے گھروں میں موجود دو موٹر سائیکلیں ،بچیوں کے جہیز کا سامان سمیت دیگر قیمتی اشیا جل گئیں ۔ دوسری جانب بروقت اطلاع دینے کے باوجود فائر بریگیڈ کا عملہ نہ پہنچ سکا ،جبکہ متاثر افراد کھلے آسمان تلے بیٹھے ہیں۔