سا ؤتھ ایشین گیمز کیلئے قومی ویٹ لفٹنگ ٹیم کا اعلان

اسلام آباد (امت نیوز) پاکستان ویٹ لفٹنگ فیڈریشن نے ساؤتھ ایشین گیمز تیاری کے سلسلہ میں 20 رکنی قومی ویٹ لفٹنگ ٹیم کے کھلاڑیوں کے ناموں کا اعلان کردیا ہے، پاکستان ویٹ لفٹنگ فیڈریشن کے سیکرٹری جنرل امجد امین بٹ نے 20 رکنی ٹیم کے کھلاڑیوں کے ناموں کا اعلان کرتے ہوئے بتایاکہ ساؤ ایشین گیمز میں ویٹ لیفٹنگ کے دس کیٹگریز کے مقابلے رکھے گئے ہیں، اور کیٹگریز کے لئے دو، دو کھلاڑیوں کا انتخاب کیا گیا ہے 55 کلوگرام کے لئے شرجیل بٹ اور عبداللہ غفور، 61 کلو گرام کے لئے عثمان اکبر اور محمد شہزاد، 67 کلوگرام کے لئے طلحہ طالب اور زوہیب بٹ، 73 کلوگرام کے لئے ابوسفیان اور حارث بٹ، 81 کلوگرام کے لئے حیدر اشفاق اور فرقان انور، 89 کلوگرام کے لئے ارسلان رؤف بٹ اور عمر رسول لون، 96 کلوگرام کے لئے محمد طاہر اور حبیب اصغر، 102 کلوگرام محمد نوح دستگیر بٹ اور محمد عبداللہ بٹ کو رکھا گیا ہے۔