پولیس کارروائیوں میں منشیات فروش سمیت 4ملزم گرفتار-اسلحہ برآمد

کراچی(اسٹاف رپورٹر) پولیس کارروائیوں میں منشیات فروش سمیت 4 ملزمان کو گرفتار کرلیا گیا۔ سکھن پولیس نے منشیات فروش ملزم عمران عرف چھٹا کو ڈیڑھ کلو گرام سے زائد چرس سمیت دھر لیا۔ سعید آباد پولیس نے کارروائی کرتے ہوئے ملزم محمد شہباز کو گرفتار کرلیا، جبکہ اسکے2 ساتھی فرار ہوگئے، ملزم سے پستول اور دیگر سامان برآمد ہوا ہے۔ مدینہ کالونی پولیس نے گٹکا فروش قطب الحسین کو گرفتار کر کے بھاری مقدار میں مضر صحت گٹکا برآمد کرلیا۔ اقبال مارکیٹ پولیس نے ملزم دانیال کو گرفتار کرلیا ہے۔