ملک میں فٹ سال کا کھیل مقبول ہو رہاہے- ملک مہربان علی

اسلام آباد (امت نیوز)پاکستان فٹ سال فیڈریشن کے چیرمیئن ملک مہربان علی نے کہا ہے کہ ملک میں فٹ سال کا کھیل پہلے سے زیادہ مقبول ہوتا دکھائی دے رہاہے۔گذشتہ روز میڈیا سے گفتگو کرتے ہوئے انہوں نے کہاکہ قومی فٹ سال چمپئن شپ سے کافی کثیر تعداد میں نیا ٹیلنٹ سامنے آیا ہے جس کو بروئے کا لانے کے لئے پاکستان فٹ سال فیڈریشن کے زیراہتمام تربیتی کیمپ لگایا جائیگا۔ انہوں نے کہا کہ ایشین فٹ سال چمپئن شپ روواں سال دسمبر میں اسلام آباد میں ہوگی جس میں غیر ملکی کھلاڑی حصہ لیں گے، اور ایشین چمپئن شپ کے سلسلہ میں تیاریاں زور و شور پر ہیں اور اس سلسلہ میں مختلف کمیٹیاں تشکیل دی جارہی ہیں، انہوں نے کہا کہ آئندہ دو، تین سال میں پاکستان میں بھی فٹ سال کا کھیل برازیل کے معیار پر ہوجائے گا، انہوں نے کہا کہ ملک میں کھیلوں کی ترقی کے لئے تعلیمی ادارے بھر پور کردار ادا کرسکتے ہیں لیکن حکومت تعلیمی اداروں میں کھیلوں کے مقابلوں کے انعقاد کو یقینی بنائے ۔
٭٭٭٭٭