مریڈین سپر فٹبال لیگ رواں ماہ کھیلی جائے گی

اسلام آباد(امت نیوز) اسلام آباد فٹ بال ایسوسی ایشن کے زیراہتمام اسلام آباد مریڈین سپر فٹ بال لیگ رواں ماہ نومبر میں وفاقی دارالحکومت میں کھیلی جائے گی۔ اسلام آباد فٹ بال ایسوسی ایشن کے جنرل سیکرٹری سید شرافت حسین بخاری نے بتایا کہ سپر لیگ کی تیاریاں زورو شور پر ہیں۔ انہوں نے کہا کہ لیگ میں اسلام آباد کی ٹاپ 8 ٹیمیں حصہ لیں گی جن میں سی ڈی اے کلب، اسلام آباد اکیڈمی کلب، روور کلب، اکبر کلب، ایورگرین کلب، مہران کلب، ہماکلب اور راوی کلب شامل ہیں۔ لیگ کے میچز ہر ہفتہ اور اتوار کو کھیلے جائیں گے۔ انہوں نے کہا کہ اس سلسلہ میں اسلام آباد فٹ بال ایسوسی ایشن کی مقابلہ جات کمیٹی کا اجلاس (کل) بدھ کو ہوگا۔
٭٭٭٭٭