عاشقان رسولؐ کو بلدیاتی سہولیات کی فراہمی بھی عبادت ہے- ملک فیاض

کراچی(بزنس رپورٹر) چیئرمین ڈی ایم سی ساؤتھ ملک فیاض نے کہاہے کہ عاشقان رسولؐ کو ربیع الاوّل کے بابرکت مہینے میں تمام تر بلدیاتی سہولیات کی فراہمی بھی عبادت ہے، ضلعی انتظامیہ صحت و صفائی کی خصوصی مہم شروع کر رہی ہے، جس میں نائٹ سوئپنگ کیلئے خصوصی ٹیمیں تشکیل دی گئی ہیں، سیوریج کے مسئلے کے حل کیلئے لائنوں کی وینچنگ کرائی جائے گی، خصوصا اولڈ سٹی ایریاز میں تجاوزات کے خاتمے کیلئے بھی کارروائی کاآغاز کیا جارہا ہے جبکہ جہاں ضرورت ہوگی وہاں نئی لائٹس کی تنصیب ومرمت کا کام کیا جائے گا۔ ان خیالات کااظہارانہوں نے بلدیہ جنوبی کے مرکزی دفتر میں 12ربیع الاوّل کے سلسلے میں انتظامات کو حتمی شکل دینے کیلئے علماء کرام ومشائخ اور محافل و میلاد کمیٹیوں کے منتظمین کے اجلاس سے خطاب کرتے ہوئے کیا۔