شمالی وزیرستان میں دھماکے سے1جاں بحق-3زخمی

میر علی(مانیٹرنگ ڈیسک) شمالی وزیرستان میں بم دھماکے کے نتیجے میں ایک شخص جاں بحق اور 3 زخمی ہوگئے۔ تفصیلات کے مطابق شمالی وزیرستان کی تحصیل میرعلی کے گاؤں عیدک میں بم دھماکے کے نتیجے میں ایک شخص جاں بحق جب کہ 3 افراد زخمی ہوگئے، واقعے کے بعد زخمیوں کو فوراً قریبی اسپتال منتقل کیا گیا جہاں انہیں طبی امداد فراہم کی جارہی ہے۔ریسکیو ذرائع کے مطابق بارودی مواد موٹر سائیکل میں نصب کیا گیا تھا جب کہ واقعے کے بعد سیکیورٹی اہلکاروں نے علاقے کو گھیرے میں لے کر سرچ آپریشن شروع کردیا ہے۔