بیراج امپرومنٹ پروجیکٹ میں مبینہ خورد برد کے جائزے کیلئے عالمی بینک مشن آج کراچی پہنچے گا
کراچی (اسٹاف رپورٹر)سندھ بیراج امپرومنٹ پروجیکٹ کے فنڈز میں مبینہ خورد برد کی شکایات کا جائزہ لینے کیلئے عالمی بینک کا خصوصی مشن آج کراچی پہنچے گا۔ مشن10 روز کے قیام کے دوران سکھر اور گڈو بیراج کے تفصیلی دورے اور ٹھیکیداروں سے ملاقات کے بعد سندھ حکومت کے اعلیٰ حکام سے مذاکرات میں بیراجوں کی بحالی اور مرمت سے متعلق مزید فنڈز کے اجرا سے متعلق فیصلہ کرے گا۔ مشن سکھر اور گڈو بیراج کی مرمت اور بحالی کے کام اور فنڈ کے صحیح تصرف کا جائزہ لے گا، جس کے بعد اس منصوبے کی باقی رقم جاری کی جائے گی۔
