اسکردو کے 3 طالبعلم دھرنے کے روز سے غائب

سکردو(نمائدہ امت) شگر کے 3طالبعلم کراچی جاتے ہوئے پنڈی سے دھرنے کے دن سے غائب ہیں،تینوں طالبعلم کو تحریک لبیک کے کارکنان ظاہر کرکے اڈیالہ جیل پہنچانے کا انکشاف ہوا۔ تفصیلات کے مطابق شگر سے تعلق رکھنے والے 3 طالبعلم سکردو سے کراچی جانے کیلئے دھرنے والے دن راولپنڈی پہنچے تھےجہاں سے تاحال غائب ہے۔ان کے گھر والوں کے مطابق تینوں طالب علموں کو پولیس نے دھرنا مظاہرین کی شبہ میں گرفتار کرکے اڈیالہ جیل منتقل کردیا جہاں سے تاحال تینوں کو کسی عدالت میں پیش نہیں کیا گیا اور بدستور جیل میں رکھا ہوا ہے۔طالبعلموں کے نام وسیم ولد قاسم ،شیر خان ولدحاجی زمان اور حسن خان ولد فرمان بتائے جاتے ہیں۔ طالب علموں کا تعلق شگر کے علاقے حیدر آباد بتایا جاتا ہے طالب علموں کے گھر والوں نے وزیر داخلہ، وزیر اعلیٰ گلگت بلتستان ، گورنر گلگت بلتستان اور دیگر اعلیٰ حکام سے اپیل کی ہے کہ بے گناہ طالبعلموں کی باعزت رہائی کیلئے فوری اقدامات کئے جائیں۔