سولڈ ویسٹ مینجمنٹ نے ملبہ نہیں اٹھایا

کراچی(اسٹاف رپورٹر)آپریشن کے مقامات پر اب تک ملبہ نہیں اٹھایا جاسکا۔ 6روز سے اینٹی انکروچمنٹ کا عملہ تجاوزات کے خلاف کارروائی کررہا ہے‘مذکورہ کارروائی میں سولڈ ویسٹ مینجمنٹ بورڈ بھی ہمراہ ہے جوآپریشن کے بعد ملبہ اٹھانے کا کام کرے گا تاہم راجا غضنفر روڈ‘داؤد پوتہ روڈ،پریڈی اسٹریٹ،ریگل چوک،پارکنگ پلازہ،زینب مارکیٹ،لکی اسٹار اور پاسپورٹ آفس،موبائل مارکیٹ اور اکبر روڈ سمیت دیگر مارکیٹوں میں تاحال ملبہ موجود ہے جس کی وجہ سے کاروبار شدید متاثر ہورہا ہے ‘اس ضمن ڈائریکٹر انکروچمنٹ بشیر صدیقی کا کہنا ہے کہ ملبہ اٹھانے کا کام سولڈ ویسٹ مینجمنٹ بورڈ کا ہے۔