ایرانی فورسز کی فائرنگ سے 2 پاکستانی جاں بحق

کوئٹہ (این این آئی)بلوچستان کے علاقے پنجگور میں ایرانی بارڈر پر ایرانی سیکیورٹی فورسز کی فائرنگ سے دو پاکستانی باشندے جاں بحق جبکہ 4زخمی ہوئے ہیں جاں بحق ہونیوالوں کا تعلق بلوچستان اور پشاور سے ہے۔ یہاں آمدہ اطلاعات کے مطابق گزشتہ روز پاکستان سے پک اپ گاڑی میں سوار 7افراد ایران کی جانب جارہے تھے کہ بلوچستان کے علاقے پنجگور کی تحصیل پروم سے جڑے بارڈر کراس کرنیوالے تھے کہ ایرانی فورسز نے اندھا دھند فائرنگ کردی جس کے نتیجے میں بلوچستان کے علاقے ضلع کیچ کے رہائشی عبداللہ اور ناوک سکنہ مہمند ایجنسی سے بتایا جاتاہے زخمیوں میں دلاور سکنہ کوئٹہ ،حمزہ اللہ خان سکنہ مہمند ایجنسی شامل ہیں ،نعشوں اور زخمیوں کو ہسپتال منتقل کردیا گیا ،نعشیں ضروری کارروائی کے بعد ورثاء کے حوالے کردی گئی جبکہ ڈرائیور سمیت دیگر افراد موقع سے فرار ہونے میں کامیاب ہوگئے۔