الخدمت کے تحت یوم اقبال پر ملیر لیاری میں یتیم بچوں کیلئے تقاریب

کراچی(پ ر)الخدمت کے چائلڈ کیریکٹر ڈیولپمنٹ پر وگرام کے تحت یوم اقبال کے سلسلے میں ملیر اور لیاری میں یتیم بچوں کے لیے تقریبات کااہتمام کیا گیا۔اس موقع پر سید مصعب بن خالد اور محمد ہارون راجپوت نے بچوں کو مثبت سوچ کی اہمیت اور فوائد سے متعلق آگاہ کیا۔تقریر،کوئز اور مصوری کے مقابلے بھی کرائے گئے اور پوزیشن ہولڈر بچوں میں انعامات تقسیم کیے گئے۔تقاریب میں عرفان شیخ اور فضل الرحمن نے کہا کہ نئی نسل کو اقبال کے افکار سے روشناس کرانا وقت کا تقاضا ہے ۔