یو ایس جونیئر اور برٹش جونیئر کیلئے قومی کھلاڑیوں کا تربیتی کیمپ جاری

اسلام آباد(امت نیوز) پاکستان سکوائش فیڈریشن کے زیر اہتمام یو ایس جونیئر اور برٹش جونیئر کی تیاری کیلئے قومی کھلاڑیوں کا تربیتی کیمپ مصحف علی سکوائش کمپلیکس اسلام آباد میں جاری ہے ۔ پاکستان سکواش فیڈریشن کے گیم ڈویلپمنٹ آفیسر فلائٹ لیفٹیننٹ عامر اقبال نے بتایا کہ تربیتی کیمپ میں 16 کھلاڑی تربیت حاصل کر رہے ہیں اور انہیں تین کوچز محمد یاسین ‘ فضل شاہ اور آصف جدید اور اعلیٰ معیار کی تربیت دے رہے ہیں۔ انہوں نے کہا کہ تربیتی کیمپ میں سے دونوں ایونٹس کیلئے باصلاحیت 10کھلاڑیوں کا حتمی انتخاب کیا جائے گا۔
٭٭٭٭٭