پی آئی اے اسکاؤٹس کے تحت ’’اقبال ہمارا‘‘تقریبات

کراچی(اسٹاف رپورٹر)پی آئی اے اسکاؤٹس کے تحت کراچی سمیت ملک بھر میں’’ اقبال ہمارا‘‘ کے عنوان سے تقاریب منعقد کی گئیں۔ سیکرٹری پبلک ریلیشنز سید محبوب قادری کے مطابق صوبائی خزانچی ثناء اللہ بزنجو نے ہیڈ کوارٹر میں تقریب میں کہا کہ علامہ اقبال کی شاعری زندگی کو بامقصد گزارنے کا طریقہ اور مشکلات کو آسان بنانے کا ہنر سکھاتی ہے۔ تقریب میں ڈسٹرکٹ کمشنرز عبدالروف، میڈم تصور عتیق، جاوید رضا و دیگر نے شرکت کی۔