بچی سے زیادتی کے ملزم-2 خواتین منشیات فروشوں سمیت 21گرفتار

کراچی (اسٹاف رپورٹر)رینجرز اور پولیس نے بچی سے زیادتی کے ملزم سمیت21ملزمان کو گرفتار کرلیا۔ ملزمان میں 2خاتون منشیات فروش بھی شامل ہیں ۔تفصیلات کے مطابق اقبال مارکیٹ پولیس نے بچی سے زیادتی کے ملزم عبدالخالق کو گرفتار کرلیا۔رینجرز نے گلبرگ، چاکیواڑہ اور سعود آباد کے علاقے میں کارروائی کرکے 4ملزمان محمد انور عرف منا، شیخ ہمدان عرف چینی ، سعد عرف شاکا اور واجد علی کو گرفتار کرلیا۔ملزمان سے اسلحہ اور منشیات برآمد کرلی ۔اورنگی ٹاؤن پولیس نے ملزم ندیم عرف راجہ ، رضویہ پولیس نے 2منشیات فروشوں کامران ، وسیم ، ڈاکس پولیس نے 2خاتون منشیات فروش رابعہ ، منورہ ،قائد آباد پولیس نے2ملزمان حبیب الرحمان ، شاہ فرمان ، سائٹ اے پولیس نے ملزم عمران ، لیاقت آباد پولیس نے منشیات فروش فہیم ، سعید آباد پولیس نے گٹکا مافیا کے2کارندوں وقار شاہ ،شاہ زیب ، فرئیر پولیس نے مفرور ملزم واجد ،کھارادر پولیس نے منشیات فروش وقاص،عزیز بھٹی پولیس نے3اسٹریٹ کرمنل بہروز، اسماعیل اور جلیل کو گرفتار کر لیا۔