ہنڈا اٹلس کارز کے تحت بینکاک میں وینڈر کانفرنس

کراچی(بزنس رپورٹر)ہنڈا اٹلس کارز (پاکستان) لمیٹڈ نے ہالیڈے ہوٹل سکموی بینکاک میں سالانہ وینڈرز کانفرنس 2018ء منعقد کی۔کانفرنس میں 45 وینڈر کمپنیوں کے حکام نے شرکت کی۔ ہنڈا اٹلس کے صدر و سی ای او ہیرونوبو یوشیمورا، ڈائریکٹر پرچیزنگ ایشین ہنڈا کیٹسوہیرو ہراڈا اور ہنڈا اٹلس کارز پاکستان کے حکام بھی موجود تھے۔کانفرنس کے بنیادی موضوعات میں سے ایک مستقبل قریب میں لوکلائزیشن کا پھیلاؤ تھا۔آخر میں ہیرونوبو یوشیمورا، وی پی ایڈمنسٹریشن اینڈ ایچ آر مقصود الرحمن رحمانی اور جی ایم پرچیزنگ آصف محمود پیرزادہ نے وینڈرز میں مختلف ایوارڈ تقسیم کیے۔تھائی لینڈ کے 6 سپلائرز کے انڈسٹریل وزٹ کا بھی اہتمام کیا گیا۔مقامی وینڈرز نے کانفرنس کو سراہا۔