شارع فیصل پولیس کا ون ویلنگ کیخلاف کریک ڈاؤن-15گرفتار
کراچی(اسٹاف رپورٹر) شارع فیصل پولیس نے خونی کھیل ون ویلنگ کیخلاف کریک ڈاؤن کرتے ہوئے15 موٹر سائیکل رائیڈرز کو گرفتار کرکے 11 موٹر سائیکلیں قبضے میں لے لیں۔ تفصیلات کے مطابق شارع فیصل پولیس نے ایس ایس پی ایسٹ غلام اظفر مہیسر کی ہدایت پر ہفتے اور اتوار کے روز موٹر سائیکل کی ریس لگانے والے 15رائیڈرز کو گرفتار کرکے 11موٹر سائیکلیں قبضے میں لے لیں۔ پولیس کے مطابق آلٹر اور ریس کے لئے بنائی جانے والی موٹر سائیکلوں پر سوار 15افراد کو گرفتار کرکے مقدمہ درج کرلیا گیا ہے۔
