شہر میں ٹریفک کی روانی کیلئے اقدامات کیے جائیں- اشرف بنگلوری

کراچی (پ ر) کراچی ٹرانسپورٹ ایکشن کمیٹی کے صدر اشرف بنگلوری نے حکومت ٹریفک اور کے ایم سی کے اعلیٰ حکام سے مطالبہ کیا ہے کہ شہرمیں ٹریفک کی روانی کیلئے ہنگامی اقدامات کئے جائیں۔ ایم اے جناح روڈ سے تبت سینٹر تک سوریج کا پانی گنجان سٹرکوں پر ٹریفک میں خلل پیدا کررہا ہے۔ ترقیاتی کاموں کی وجہ سے متبادل راستوں پر ٹریفک پولیس نا ہونی کی وجہ سے سولجر بازار اور گارڈن روڈ میں ٹریفک جام رہتا ہے۔ ٹریفک پولیس کو ڈیوٹی کا پابند بنایا جائے۔