دڑو سے کراچی جانے والی دو طالبات 3 روز سے لاپتہ

دڑو/ چوہڑ جمالی (نمائندگان) تین روز قبل دڑو شہر سے اسکول پکنک کیلئے جانیوالی طالبات نائلہ اور ثنا میمن جو کراچی کے الہ دین پارک سے گم ہوگئی تھی جنہیں تین روز گزر گئے ہیں لیکن ابھی تک ان کا کوئی پتا نہیں چل سکا ہے جس سے ان کے ورثا بہت پریشان ہیں انہوں نے اغوا کا شک ظاہر کیا ہے ان کا کہنا ہے کہ کراچی پولیس اس سلسلے میں ہماری کوئی مدد نہیں کر رہی ہے۔ دوسری جانب چوہڑ جمالی جاتی، سجاول اور دڑو شہر کی میمن برادری کے محمد صدیق میمن نورانی، جاوید اقبال میمن، اقبال میمن، حمیداللہ میمن اور دیگر نے سندھ حکومت اور آئی جی سندھ سے مطالبہ کیا کہ دونوں طالبات جو پارک سے گم ہوئی ہیں ان کی تلاش میں ورثا کی مدد کر کے ان بچیوں کو اپنے ورثا سے ملایا جائے۔