قومی آرچری ٹیم کے ٹرائلز کل ہوںگے
اسلام آباد ۔ 22 نومبر (اے پی پی) پاکستان آرچری فیڈریشن کے زیراہتمام قومی آرچری ٹیم کے چناؤ کے سلسلہ میں ایک روزہ اوپن ٹرائلز (کل) ہفتہ کو پاکستان سپورٹس کمپلیکس، اسلام آباد کے آرچری سنٹر میں ہوںگے۔ پاکستان آرچری فیڈریشن کے سیکرٹری جنرل وصال محمد خان نے بتایاکہ ٹرائلز کے سلسلہ میں تمام انتظامات مکمل کر لئے گئے ہیں اور ٹرائلز میں ملک بھر سے آرچرز حصہ لے سکتے ہیں۔ تین رکنی سلیکشن کمیٹی میں چیئرمین عبدالرزاق گل جبکہ دیگر ممبران میں صوبیدار افیسر خان اور ناصر محمود شامل ہیں۔
