گوادر سے پکڑی گئی نایاب مچھلی ساڑھے11لاکھ میں نیلام

کوئٹہ (نمائندہ خصوصی ) گوادر کے سمندر سے پکڑی گئی نایاب مچھلی ساڑھے 11 لاکھ روپے میں نیلام کردی گئی ۔ ذرائع کے مطابق مذکورہ مچھلی ‘سووا’ (sowa) اور ‘کِر’ (kir) کے نام سے مشہور ہے جو مقامی ماہی گیر نے دور روز قبل 41کلو وزنی مچھلی پکڑی تھی جو اپنے سینے اور معدے میں پائے جانے والے ایک خاص مادےکی وجہ سےنایاب سمجھی جاتی ہے اور اسے مخصوص ادویات میں استعمال کیا جاتا ہے۔ مچھلی کوساڑھے 11 لاکھ روپے میں نیلام کیا گیا ۔جو کراچی کی ایک فشنگ کمپنی نے خریدی۔ماحولیاتی ماہر اور گوادر ڈیویلپمنٹ اتھارٹی کے سینئر اہلکار عبدالرحیم کے مطابق گزشتہ سال اسی نسل کی دس سے زائد مچھلیاں پکڑی گئیں جو ایک کروڑ روپے میں نیلام ہوئی تھیں۔