سندھ اسپورٹس بورڈ علامہ اقبال اسپورٹس فیسٹیول

کراچی(امت نیوز)سیکریٹری اسپورٹس ہارون احمد خان کی ہدایت پر جاری علامہ اقبال اسپورٹس فیسٹیول کے آخری روز بیڈمنٹن گرلز سنگل اور بوائز ڈبل کے فائنل کھیلے گئے‘ سندھ اسپورٹس بورڈ کمپلیکس ناظم آباد میں بیڈمنٹن گرلز سنگلز ٹورنامنٹ میں اسماء فراز نے عمدہ کارکردگی کا مظاہرہ کرتے ہوئے رابعہ کو0-3سے شکست دے کر فاتح ٹرافی پر قبضہ جمالیا رابعہ دوسری پوزیشن پر جبکہ حرا نے تیسری پوزیشن حاصل کی‘ بوائز ڈبل کا مقابلہ محمود اور عاصم کی ٹیم سے جہانگیر اور حمزہ نے کیا جس میں محمود اور عاصم کی ٹیم0-3سے فاتح قرار پائی اوبر جیت کا سہرا اپنے سر باندھا جہانگیر اور حمزہ کی تیم نے دوسری جبکہ شاہد اور عدنان کی ٹیم نے تیسری پوزیشن حاصل کی۔
٭٭٭٭٭