پاکستان ہاکی لیگ کا شیڈول جاری

لاہور(امت نیوز) پاکستان ہاکی فیڈریشن نے 3 برسوں سے التوا کا شکار ہاکی سپرلیگ کی تاریخوں کا باقاعدہ اعلان کردیا۔پاکستان ہاکی فیڈریشن کے زیر نگرانی سپرلیگ 12 جنوری سے 19 جنوری تک نیشنل ہاکی اسٹیڈیم میں کھیلی جائے گی۔ اس حوالے سے تشہیری ویڈیو بھی جاری کردی گئی ہے۔ جس میں قومی کھلاڑیوں کے ساتھ سیکرٹری پی ایچ ایف کا پیغام بھی شامل ہے۔ہاکی لیگ میں پاکستانی کھلاڑیوں کے ساتھ غیر ملکی کھلاڑی بھی شرکت کریں گے۔ ہاکی فیڈریشن نے ٹیموں کی فروخت،ٹی وی رائٹس، ایڈورٹائزنگ ، ٹکٹوں کی فروخت سمیت تمام امورز کیمتعلق درخواستیں طلب کرلی ہیں۔ پی ایچ ایف کے اشتہار میں ایک ہزار ڈالر ناقابل واپسی ڈرافٹ کے ساتھ تیس نومبر تک خواہش مندوں کو رجوع کرنے کی ہدایت کی گئی ہے۔
٭٭٭٭٭