رینجرز کے ہاتھوںمتحدہ لندن کے ٹارگٹ کلر سمیت 13زیر حراست

کراچی (اسٹاف رپورٹر )رینجرز نے مختلف علاقوں سے متحدہ لندن کے ٹارگٹ کلر سمیت 13ملزمان کو حراست میں لےلیا ۔ ترجمان کے مطابق کھارادر سے متحدہ لندن کے ٹارگٹ کلر طارق قریشی کو حراست میں لیاگیا۔ ملزم ٹارگٹ کلنگ بھتہ خوری کی متعدد وارداتوں میں ملوث ہے جبکہ ناظم آباد،میٹھادر،کھارادر،الفلاح اور کورنگی سے عارف ،عبدالرحمن ۔ارسلان ۔یوسف سمیر،عمران مانی اور دیگر پکڑے گئے ۔ ملزمان ڈکیتی اور اسٹریٹ کرائم کی وارداتوں میں ملوث ہیں ۔ ماڈل کالونی سے منشیات فروشوں فہیم ۔بشیر اور عبدالخالق کو حراست میں لے کر تمام ملزمان کو پولیس کے حوالے کر دیا گیا ۔