آرمی چیف کا ایس ایس جی ہیڈ کوارٹر کا دورہ

راولپنڈی (مانیٹرنگ ڈیسک) آرمی چیف جنرل قمر جاوید باجوہ نے ایس ایس جی ہیڈ کواٹرز کا دورہ کیا اس موقع پر انہوں نے میجر جنرل عابد رفیق کو پہلے کرنل کمانڈنٹ کے بیج بھی لگائے۔آئی ایس پی آر کے مطابق آرمی چیف نے انسداد دہشتگردی آپریشنز میں ایس ایس جی کے کردار کو سراہتے ہوئے کہا کہ ایس ایس جی نے پیشہ ورانہ کارکردگی اور عظیم قربانیوں سے اپنا لوہا منوایاہے انہوں نے یادگار شہدا پر پھول چڑھائے اور فاتحہ خوانی کی۔