نیوایئرپورٹ پرغیرملکی خاتون سمیت4منشیات سمگلرگرفتار

اسلام آباد(مانیٹرنگ ڈیسک)نئے ائرپورٹ پرمنشیات اسمگل کرنے کی کوشش ناکام بناتے ہوئے غیرملکی خاتون سمیت 4 سمگلرزکوگرفتارکرلیاگیا۔ اسلام آبادائرپورٹ پر گزشتہ صبح کی جانے والی مختلف کارروائیوں میں اینٹی نارکوٹکس فورس نے4 افراد کو دھرلیا، گرفتارملزمان میں غیرملکی خاتون بھی شامل ہے،مختلف پروازوں کے ان 4مسافروں سے تقریباً اڑھائی کلوآئس اور 2کلوگرام کوکین برآمد کرلی گئی۔اے این ایف کی جانب سے جاری کردہ تفصیلات کے مطابق مسقط جانے والی پرواز ڈبلیو وائی 346سے عارف شاہ اور گل زائد شاہ نامی مسافروں کو گرفتارکیا گیا۔ گل زائد سے 1600 اور عارف شاہ سے 866گرام آئس ڈرگ برآمد ہوئی۔دبئی سے ایمریٹس ائرلائن کی پرواز ای کے 614کے ذریعے آنے والی خاتون سے 1838گرام ہیروئن برآمد کی گئی۔ ڈیانا نامی یہ خاتون کینیڈا کی شہری ہے جبکہ دبئی جانے والے فضل حق نامی مسافر کے سامان سے 1500گرام منشیات برآمد ہوئی۔اے این ایف نے خاتون سمیت چاروں ملزمان کو تفتیش کے لیے سیل منتقل کردیا۔