منظور کالونی میں مسابقہ حفظ القرآن کے کامیاب طلبہ میں انعامات تقسیم کرنے کی تقریب

کراچی (پ ر) جامعہ تعلیم القرآن و السنہ کے زیر اہتمام آل کراچی مسابقہ حفظ القرآن منظور کالونی میں ہوا جس میں13 طلبہ نے شرکت کی۔ چیئرمین جامعہ مولانا شبیر احمد عثمانی کے مطابق پہلا انعام ایک لاکھ روپے نقد محمد احمد بن فاضل مدرسہ جامع القرآن عثمان بن عفان ناظم آباد کو، دوسرا انعام 75 ہزار روپے سید محمد عثمان ولد عبدالقاہر جامع مسجد بیت الاسلام ڈی ایچ اے فیز V کو جبکہ تیسرا انعام 50 ہزار روپے عثمان بن غلام سرور جامع دارالعلوم کراچی کو پیش کیا گیا، جبکہ باقی طلبہ کو 5-5 ہزار روپے اور اول پوزیشن حاصل کرنے والے طلبہ کے استاد کو عمرہ کا ٹکٹ دیا گیا۔ تقریب کے مہمان خصوصی وزیر بلدیات سندھ سعید غنی، ن لیگ کے رہنما ڈاکٹر علی اکبر گجر، یوسی وائس چیئرمین ڈاکٹر ندیم، مولانا احسن سلفی، دانیال گجر، قاری اللہ داد، مولانا شفیع الرحمن، ادریس ہوشیار پوری و دیگر تھے۔