نواز شریف کا بچنا مشکل ہوچکا ہے -اعتراز احسن

لاہور(امت نیوز)پیپلزپارٹی کے رہنما بیرسٹر اعتزاز احسن نے کہا ہے کہ شریف خاندان کے خلاف مقدمات صاف اور سیدھے تھے،نیب نے ان کے کیسز خراب کر دیے۔میڈیا سے گفتگو کرتے ہو ئے اعتزازکا کہنا تھا کہ میں کسی کے بھی جیل جانے پر خوش نہیں لیکن پتہ نہیں کون نواز شریف کا مشیر ہے جو ان کو الٹے الٹے مشورے دے رہا ہے، نواز شریف کے بیانات کے بعد مجھے تو لگتا ہے،ان کا بچنا مشکل ہو چکا ہے۔پہلے نواز شریف نے تقریر میں اپنے ذرائع آمدن بتائے اور اب ان سے راہ فرار اختیار کررہے ہیں، اسمبلی کے فلور پر جو بیان دیا وہ درست مانا، تردید نہیں کی ان کا بچنا مشکل لگتا ہے۔