غزہ میں سرحد کے قریب اسرائیلی فائرنگ سے فلسطینی نوجوان شہید

غزہ(امت نیوز) اسرائیلی فوج نے دہشت گردی کا مظاہرہ کرتے ہوئے غزہ میں سرحد کے قریب سے گزرنے والی کارپر فائرنگ کر کے اس میں سوار 32 سالہ فلسطینی نوجوان رمزی ابو یابس کو شہید کر دیا ۔عالمی میڈیا کے مطابق مغربی کنارے کے علاقے ہیبرون میں اسرائیلی فوج نے سرحد کے قریب سے گزرنے والی کار کو براہ راست فائرنگ کا نشانہ بنایا۔ اسرائیلی فوج کی گولیاں ونڈ اسکرین کو توڑتے ہوئے کار میں سوار نوجوان کے سینے میں پیوست ہوگئیں۔شہید 32سالہ رمزی ابویابس پناہ گزین کیمپ کا رہائشی تھا اور مقامی نفسیاتی اسپتال میں ہیڈ نرس تھا اور اس کے گھر پر اسرائیلی حکومت قابض ۔ اسرائیلی فوج نے دعویٰ کیا ہے کہ فلسطینی نوجوان نےپیر کو جنکشن روڈ پر تعمیراتی کام میں مصروف اسرائیلی فوجیوں پرکار چڑھادی تھی جس کے نتیجے میں 3اہلکار زخمی ہونے کے باعث اس پر فائرنگ کی گئی تھی ۔