ایجوکیشن ٹرسٹ ناصرہ اسکول کے تحت ماڈل یونائیٹڈ نیشن ایڈیشن 4کی تقریب

کراچی (بزنس رپورٹر) ایجوکیشن ٹرسٹ ناصرہ اسکول کے تحت ناصرہ ماڈل یونائیٹڈ نیشن کا چوتھا ایڈیشن منعقد کیا گیا، جس میں دی ایجوکیٹرز، بیکن لائٹ، کراچی پبلک اور دیگر تعلیمی اداروں کے طلبہ نے بڑی تعداد میں شرکت کی۔ ماڈل یونائیٹڈ نیشن ایک اضافی غیر نصابی سرگرمی ہے، جس میں طلبہ اقوام متحدہ کی دیگر کمیٹیوں میں وفد کا کردار ادا کرتے ہیں، جس میں طلبہ کو حکومت کی سرگرمیوں اور اس سے متعلق بل پاس کرانے کی سرگرمیاں ہوتی ہیں۔ افتتاحی تقریب میں قونصل جنرل جاپان مہمان خصوصی تھے۔ ایونٹ میں بہترین کا رکردگی کے حامل طلبہ کو شیلڈ اور اسناد تقسیم کی گئیں۔