نیشنل اسٹیڈیم فلائی اوور سے حسن اسکوائر روڈ بند

کراچی(اسٹاف رپورٹر) دفاعی نمائش کے دوران ٹریفک کی صورت حال کو بہتر رکھنے کے لیے خصوصی پلان پر عمل کیا جارہا ہے، نیشنل اسٹیڈیم فلائی اوور سے حسن اسکوائر روڈ صبح 7 بجے سے شام 6 بجے تک بند ہے۔ اس کے علاوہ کارساز سے نیشل اسٹیڈیم آنے والا روڈ بھی عام ٹریفک کے لئے بند ہے، تاہم علاقے کے رہائشی اپنا شناختی کارڈ دکھا کر اپنے گھر آ اور جارہے ہیں۔ شہید ملت روڈ سے آنے والی ٹریفک جیل روڈ فلائی اوور اور یونیورسٹی روڈ سے غریب آباد جارہی ہے۔ ہیوی ٹریفک کو نیشنل اسٹیڈیم کی طرف جانے کی اجازت نہیں ہے۔