آئیڈیاز 2018میں مفاہمت کی پہلی یادداشت پر دستخط ہوگئے

کراچی(اسٹاف رپورٹر) دفاعی نمائش آئیڈیاز 2018کی پہلی مفاہمت کی یادداشت پر دستخط ہوگئے ہیں،ترکی کی کمپنی این ٹی ایس اور ایئر یونیورسٹی اسلام آباد نے مفاہمت پر دستخط کئے۔دستخط کی تقریب بدھ کو ایکسپوسینٹرمیں منعقد ہوئی۔ترکی اور پاکستان سائبر سکیورٹی پر تعاون کریں گے۔ترکی کی کمپنی ایس ٹی ایم کے ڈائریکٹر اونور نے این این آئی سے بات چیت کرتے ہوئے بتایا کہ ترکی کی کمپنی این ٹی ایس کراچی شپ یارڈ کے ساتھ مشترکہ منصوبے کررہی ہے، ایس ٹی ایم نے کراچی شپ یارڈ کے میں نیوی کے بحری جہاز بنائے ہیں۔انہوں نے بتایا کہ ایس ٹی ایم نے پاکستان کی آگسٹا آبدوز کو بھی اپ گریڈ کیا ہے۔آبدوز کی اپ گریڈیشن بھی کراچی شپ یارڈ میں کی گئی ہے۔