ڈی ایچ اے رگبی کلب ٹیم دبئی روانہ ہوگئی

لاہور(امت نیوز)ڈی ایچ اے رگبی فٹ بال کلب دبئی رگبی سیونز میں شرکت کے لئے دبئی روانہ ہوگئی ہے ۔روانگی سے قبل صدر ڈی ایچ اے رگبی کلب طارق نیازی کہتے ہیں کہ ایونٹ کے لئے کھلاڑیوں نے بھرپور تیاری کی ہے، امید ہے ٹیم مایوس نہیں کرے گی۔اس سے قبل طارق نیازی نے دبئی رگبی سیونز میں شرکت کے لئے 14 رکنی ٹیم کا اعلان کیا۔ طارق نیازی نے کہا کہ ٹیم نے رگبی سیونز کے میگا ایونٹ کے لئے کھلاڑی کا تربیتی کیمپ دو ماہ سےجاری ہے ، کھلاڑیوں نے کیمپ کے دوران فٹنس اور سکلز پر بھرپور توجہ دی ہے۔ انھوں نے امید کا اظہار کیا کہ ٹیم پول کے تینوں میچز میں بہترین کھیل کا مظاہرہ کرتے ہوئے اگلے راونڈ میں جگہ بنائے گی۔
٭٭٭٭٭