محمد عباس دورہ جنوبی افریقہ کیلئے دستیاب ہونگے

لاہور(امت نیوز) ٹیم مینجمنٹ پْراعتماد ہے کہ محمد عباس دورہ جنوبی افریقہ کیلیے دستیاب ہونگے۔دبئی ٹیسٹ کے دوران فیلڈنگ کرتے ہوئے ڈائیو لگانے پر محمد عباس کو کندھے میں تکلیف ہوئی تھی،انھوں نے دواوٴں کا سہارا لیتے ہوئے کھیل جاری رکھا لیکن توقعات کے مطابق کارکردگی پیش نہیں کرپائے تھے۔اسکین رپورٹ میں انجری کی تصدیق ہونے کے بعد شولڈر اسپیشلسٹ سے بھی رابطہ کیا گیا، عباس فی الحال آرام کررہے ہیں اور فزیو سمیت ٹیم مینجمنٹ صورتحال پر مسلسل نظر رکھے ہوئے ہیں، ان کی نیوزی لینڈ کیخلاف 3دسمبر سے شروع ہونے والے ٹیسٹ میں شمولیت کا امکان نہ ہونے کے برابر ہے۔ابتدائی اطلاعات میں بتایا گیا تھا کہ محمد عباس کا دورہ جنوبی افریقہ کیلیے دستیاب ہونا بھی ممکن نہیں ہوگا، البتہ ٹیم مینجمنٹ کو پیسر کے سیریز سے قبل فٹ ہونے کی امید ہے۔
٭٭٭٭٭