ڈاکوؤں کی فائرنگ سےکار میں آگ بھڑک اٹھی-باپ بیٹا معجزانہ طور پر بچ گئے
چنیوٹ(نمائندہ امت) ڈاکوؤں کی فائرنگ سے کار کو آگ لگنے سے گاڑی جل کر تباہ ہوگئی، کار سوار باپ بیٹا معجزانہ طور پر بچ گئے ۔ تفصیلات کے مطابق لاہور کا رہائشی چالیس سالہ امتیاز احمد ولد حاجی احمد اپنے بیٹے کے ہمراہ کار نمبر LPH/3610 پر دربار کوٹھا شاہ بہلول پر حاضری دینے کے بعد واپسی گھر جا رہا تھا کہ سرکل چناب نگرکے علاقہ سانگڑہ روڈ کے قریب نامعلوم ڈاکوؤں نے کار نہ روکنے پر کار پر فائرنگ کردی جس سے کار کو آگ لگ گئی ،تاہم کار میں سوار باپ بیٹا معجزانہ طور پر بچ گئے۔
