خطرناک متحدہ ٹارگٹ کلر آصف عرف گدھا گرفتار

کراچی (اسٹاف رپورٹر)سی ٹی ڈی نے نیو کراچی سےخطرناک متحدہ ٹارگٹ کلر کو گرفتار کرلیا۔ ملزم نے سیاسی مخالفین سمیت متعدد افراد کے قتل کا اعتراف کیا ہے۔تفصیلات کے مطابق سی ٹی ڈی نے خفیہ اطلاع پر متحدہ ٹارگٹ کلر آصف عرف گدھا کو گرفتار کر کے کلاشنکوف برآمد کرلی۔ ایس پی آپریشن ون مرتضیٰ بھٹو نے بتایا کہ ملزم متحدہ لندن کا کارندہ ہے ملزم نے 2010میں ساتھیوں کے ہمراہ مہاجر موومنٹ کے کارکن فرحان اور پی پی کارکن عمران کو قتل کرنے کا اعتراف کیا ہے ۔ایس پی نے کہا کہ ملزمان کے دیگر ساتھیوں کی گرفتاری کے لئے کارروائی کی جا رہی ہے ۔