5افغان صوبوں میں پارلیمانی انتخابات کے نتائج کا اعلان

کابل(امت نیوز)افغانستان کے 5صوبوں میں پارلیمانی انتخابات کے ابتدائی نتائج کااعلان کردیاگیاہے۔الیکشن کمیشن کے سربراہ عبدالباری سیدنے کہاہے کہ سمنگان،نورستان،سرپل،میدان وردک اورکنڑکے انتخابی نتائج آگئے ہیں۔نتائج کے مطابق 6خواتین بھی منتخب ہوئی ہیں۔سمنگان میں عبداللہ محمدی،حیات اللہ،ضیاالدین اورمحبوبہ رحمت،میدان وردک سے عبدالاحمددرانی،عبدالرحمان وردک،محمدمہدی راسخ،حلیمہ عسکری اورحامدہ اکبری،سرپل سے محمداکبرسلطان زادہ، اسد اللہ ایوبی،سیدمحمدمحسن شریفی،حمیداللہ بیگ،عزیزہ جلیس ، کنڑ سےجاوید صافی،مولوی شہزادہ شہید،نعمت اللہ کاریاب اوروز ما صافی،جبکہ نورستان سے عبیداللہ اورزاہدہ فیضان شامل ہیں ۔ میدان وردک سے 2اورباقی تمام صوبوں میں ایک ایک خاتون منتخب ہوئی۔