چھٹی نیشنل ڈس ایبلڈT-20چیمپین شپ پنڈی میں کھیلا جائیگا

راولپنڈی /اسلام آباد( آن لائن) پاکستان کرکٹ بورڈPCB سے تسلیم شدہ پاکستان ڈس ایبلڈ کرکٹ ایسوسی ایشن (PDCA) کے زیرِ اہتمام چھٹی نیشنل ڈس ایبلڈ T-20 کرکٹ چیمپیین شپ کافائنل کل مورخہ 3دسمبر بروز پیر کو صبح 10بجے پنڈی کرکٹ اسٹیڈیم راولپنڈی میں کھیلا جائیگا ۔ گزشتہ دو ٹورنامنٹ کی چیمپین اور ہیٹ ٹرک کے لیے پر امید ملتان کی ٹیم فاتح ٹرافی کی بقاءجبکہ اسلام آباد کی ٹیم پہلی بار فاتح ٹرافی کے حصول کیلئے نبرد آزماءہونگے۔ واضع رہے ملتان نے کراچی کو راشد لطیف اکیڈمی کراچی میں سیمی فاینل میں شکست دےکر فائنل میں جگہ بنا تھی جبکہ اسلام آباد نے پشاور کو پنڈی اسٹیڈیم میں سیمی فائنل میں زیر کرکے فائنل میں رسا ئی حاصل کی تھی۔ مزکورہ چیمپیین شپ کا انعقاد دو مرحلے میں کیا گیا ہے۔ پہلے مرحلے میں کراچی میں 8 ریجن کی ٹیمیں شریک ہوئی جہاں سے ملتان کی ٹیم نے فائنل میں جگہ بنا جبکہ دوسرے مرحلے میں دیگر 8 ریجن کی ٹیموں نے جڑواں شہروںروالپنڈی اور اسلام آباد میں شرکت کی اور یہاں سے اسلام آباد کی ٹیم نے فائنل کے لی کوآلیفا ئی کیا تھا۔ اس بات کا اعلان اعزازی سیکریٹری PDCA امیرالدین انصاری نے کیا ۔